紅茶 (已結業)

喺旺角真係太多食肆喇~今日要去信和果頭整d嘢，見餓就直接踩入一間未去過嘅餐廳，見佢有甜品櫃同麵包櫃，都好似幾吸引咁~除咗一般嘅常餐內容，都見到有包類嘅亮點，中途仲見到有個侍應拎住個大焗盤，大叫「新鮮蛋撻出爐喇!」，感覺一定要試吓佢地嘅包類，所以叫咗以下item~嗯~~~~~果然無選擇錯，個包好新鮮好脆口，包嘅餡料部分配搭得好好，香滑炒蛋+芝士+脆炸魚柳+爆汁番茄+新解爽脆嘅生菜，burger厚度剛好，唔會食到污糟哂！個炸薯角都有驚喜！好香薯味，而且炸漿好薄亦好夠味~good呀!老公點嘅特餐我只係食咗一啖包........真係好鬆軟，好好味！凍咖啡老公都話好飲，如果以茶餐廳嚟講，可算係超班！