地址：銅鑼灣銅鑼灣道98號Little Tai Hang 2樓
銅鑼灣Little Tai Hang 2樓呢間Maka Hiki @makahikihk ，夏威夷文解作「New beginning」✨，希望食客嚟完呢度食嘢Chill完一輪都可以有個新嘅開始。Maka Hiki喺一間包含地中海同多國菜元素嘅Bar and Grill西餐廳🍴，喺度你可以搵到中東、夏威夷、日本、美式等元素嘅美食，非常多元化😍
上到嚟一定唔可以錯過餐廳別緻寫意嘅環境氣氛，分為室內同室外兩個空間，同樣以熱帶樹林為主題🌴。室內以酒吧形式呈現喺食客面前，配以竹木啡色為主嘅裝修同座位設計；室外種有多棵綠色植物，坐喺竹椅同藤椅上面，微風伴隨住柔和嘅太陽光🌞，仿如置身喺熱帶叢林之中
平日午市有2 Courses($178)或者3 Courses($198)嘅套餐選擇，鍾意酒精飲品嘅仲可以一嘗佢哋嘅特色Cocktails/Mocktails🍹，
而無咖啡唔得嘅我就叫咗杯Latte($50)嚟飲☕️
✝️Flaky Roti with Curried Chickpeas
Roti喺傳統嘅無發酵印度薄餅🫓，用麵粉同水經烤爐烘烤而成🔥，厚度較薄，口感紮實而微微香脆，
配以加咗少少辣椒油嘅鷹嘴豆泥一齊食，簡單而飽肚滋味，喺中東地區非常受歡迎嘅早餐食物😋
✝️Sweet and Sour Watermelon Salad
以鮮蝦配紅西柚同西瓜粒🍉，加上泰式羅勒葉、薄荷葉、西柚葉🌱，再灑上腰果碎同炸蒜，呢道冷盤沙律清新得嚟味道夠晒天然🥗，喺幾唔錯嘅開胃菜
✝️Chicken Ginger Poke Bowl
餐廳嘅自家製手打雞肉丸🧆，加上秘製薑汁醬油同芝麻，配上草菇🍄、羽衣甘藍🥬、紅石榴同米飯，
組合成呢個惹味得嚟富有夏威夷風味嘅Poke Bowl，其實份量都幾多，食完都好飽，不過略嫌醬汁有啲多會濃味咗少少🤏，但食物嘅配搭同種類確實喺好多一般出面嘅Poke餐廳都未必搵得到，值得一試🤓
✝️Australian Striploin (+$60)
200g嘅100日穀飼澳洲紐約克上腰肉(Striploin)，將T骨去除裡脊肉(Tenderloin)同骨頭而成🥩，用刀輕輕切開已經見到豐盈肉汁💦，入口肉質幼嫩而且油花紋路細緻均勻，
肉嘅兩側有少少脂肪層，牛肉風味相當濃郁🐮，加埋少少鹽一齊食就更能帶出牛肉鮮味，真心好食🤤。另外有加咗美國紐奧良地區獨特香料(Cajun spice)嘅脆薯角同蔬菜🥬，呢個薯角真喺令人食唔停口🤩
✝️Mini Banana Split with chocolate & vanila ice cream
焦糖香蕉同埋雪糕永遠喺最佳配搭💕，雪糕質感綿滑，分別有朱古力同埋雲呢拿味🍨，特別鍾意濃郁得嚟甜而唔膩嘅黑朱古力味。另外再加上鮮忌廉、杏仁片同朱古力醬，口感同味道層次瞬間提升咗唔少
✝️Homemade Rhum Baba with whip cream & fresh passionfruit
蘭姆巴巴(Rhum baba)喺一種法國傳統甜點🇫🇷，將充滿Rum酒風味嘅果糖漿加入圓形蛋糕當中，連埋糖霜、鮮忌廉同新鮮熱情果一齊食，陣陣Rum酒香味喺口腔當中飄散出嚟，鍾意Rum酒嘅人就唔好錯過喇😎
