天 · 悠蔬食 (已結業)

雖然我唔係素食人仕，但有時我都會特登去食下齋，特別係壓力大嘅日子。唔知點解，每次食完齋，心靈都會感覺特別放鬆。而食下食下又覺得，其實素食都有好多囗味款式選擇，仲好食又健康。最近就試咗一間位於荃灣區嘅素食餐廳。裝修佈置好靚添嫁，好似處於童話世界一樣。環境大，坐位又夠寬躺。晚餐時間唔算多人，平均一個晚市套餐大約$160。我就點咗：牛油果南瓜紫薯藜麥焗千層闊麵🍝鹹柑桔蜜（熱）🍯再加埋個甜品菊花杞子馬蹄糕（2件）好滿足。個主菜配搭夠創新，又好味。重點係健康👍🏻另外抗疫期間仲送窩心糖水。真係會多多支持😍