居食屋「和民」 (淘大商場3期) (已結業)

‪同朋友係淘大睇完戲，第一時間緊係要醫飽肚啦! 雖然餐廳選擇眾多，但當下真係諗唔到食咩好呀，抬頭望望，見到「和民」，行得! 唔洗諗啦! ‬‪ ‬‪日本產有機蕃薯條‪炸出來非常金黃，入口鬆軟香甜一點都唔油!而且番薯味極濃 ， 味帶微甜 ， 質感實淨 ，再點上蜜糖，簡直一拍即合!‬‪ ‬‪和風牛小排陶板燒‪店員貼心提醒我地先落牛油、南瓜同菇類，咁D油就唔會彈到我地啦! 之後將牛排直接放係熱鐵板上燒，即燒即食，保留左食材本身既味道，肉質嫩，油花均勻，大推!‬
‪和風煙肉&雜菌披薩‪批底超級脆薄，無一般Pizza咁乾身，感覺唔會食得太滯，只係個批底就已經加曬分!而且煙肉&雜菌唔會焗得太干，整體滿意。‬‪ ‬‪多彩燒鮭魚壽司 (3件)‪炙燒過後既三文魚既香氣都被逼哂出來，味道中規中矩，較無驚喜既感覺。以哩個份量來講，價錢我覺得適中。‬‪ ‬‪多彩帆立貝壽司(3件)‪帆立貝滋味鮮甜、肉質飽滿，配上鮮彈既飛魚子，回味無窮。‬‪ ‬‪酥炸軟殼蟹壽司卷‪酥香的軟殼蟹配搭蟹肉既清甜，口感極佳，如牛油果味重返少少就天更好啦!‬