校長燒肉日韓料理 (大埔廣場)

营业中

休息中

有返晚市堂食都未食過放題，因為想食好多嘢就book咗大埔校長燒肉，去到餐廳門口嗰陣嚇親我，好多人食呢間餐廳。入到去覺得燒肉店抽風幾好，唔覺得好臭油煙味。上到自助區，全部都好企理。嘢食擺放得好整齊，而且種類多。佢哋食物種類真係多，有烤肉，打邊爐，中式點心，甜品，雪糕🍨炸物，烤肉方面幾好最重要感覺乾淨。自己比較鍾意食雞翼，煙肉片，仲有雞軟骨，因為燒到咁上下脆卜卜好正。牛扒都唔錯😋每一件都唔係咁多肥膏，另外有一種調味過嘅牛肉，唔使再點任何醬料都已經好入味，已經好好食。種類豐富，多春魚，🎂三文魚，魚蛋，火腿，雞肉腸，牛仔腸，基本配料講得出都有😂去到火鍋，有豬骨，麻辣，壽喜燒湯底，我哋就揀咗鴛鴦鍋，全自助自己過去加湯就可以。配料都好多，放置左喺自助區，蔬菜類同時可以火鍋/烤，火鍋我主要碌熟唔同既丸，味道唔錯😋仲有好多唔同嘅壽司，今次試咗蝦同蟹柳壽司🍣都唔錯，不過太飽我食唔到其他，唯有下次再食啦！