校長燒肉日韓料理 (西裕街)

营业中

休息中

同爸媽去元朗行街兼搵食，見到呢間放題門口光鮮幾吸引，有燒肉有火鍋仲要任食，長者又有優惠，所以就入去試吓。爸媽見到條自助餐徑已經滿心歡喜，我自己就偏好食烤肉，款式種類都幾多，媽媽就鍾意食熟食~燉湯~甜品，爸爸就偏愛打邊爐，所以都幾啱大眾化不同口味。不過爸爸就嫌火鍋料不夠，因為烤肉料相對係比較多，所以被比下去都正常，而媽媽食甜品食到傻咗，多款奶凍啫喱雪糕，樣樣都話要試，試完真係唔駛食其他野，前菜~沙律等等都唔錯，仲有多款汽水，無糖飲品可以揀，所以爸媽都話似自助餐多過似嗰啲日式放題。