尚鮮日式燒肉漁市場 (已易手) 新餐厅

今次係第二次嚟到 尚鮮， 第一次係食夜晚，今日試下食午餐， 鍾意嚟呢度食嘅原因係因為佢有燒肉放題 之餘亦有其他熟食嘅放題 ，唔洗淨係獨沽一味食燒肉， 因為會太漏太熱氣太肥膩。 係呢度可以食刺身，壽司，沙律，炸物 等等熟食。最推介係牛舌同牛肉粒， 牛舌切得非常薄 ，煮幾下已經熟， 食落爽口唔會硬，我地 encore咗三次 ，我哋三個人食咗起碼三十幾塊！ 同行友人比較鍾意食牛肉粒， 肉質豐富 牛肉味較香 ，又係encore咗三十幾粒！ 午餐198蚊加一都幾抵食 限時2個半鐘。飲品任飲 ，亦有甜品，但係我哋已經飽到食唔落甜品。 呢度全部都係坐卡位，都算舒服。