極尚大喜屋 (加連威老道) (已結業)

上次試過大喜屋，今次終於有機會食極尚大喜屋😋😋同個相識多年的朋友book左6：00pm個埸，未到6：00pm門口已經排長龍，不過很快就可以入座。食放題當然先食剌身，竟然有池魚王！！一上埸，款款剌身都好新鮮，完全無雪味，好厚身。長腳蟹好大隻，啖啖肉😂😂✌壽司款式比出面一般的放題多好多，有成四張Order紙，選擇困難症立即出現了。創作壽司好特別，好靚，鵝肝帶子，海葡萄蝦，北海道魚子戀人，黑松露雙色花樣樣都好味。軍艦都好正，海膽壽司也是必食之選，上到檯，紫菜仲係脆，海膽無腥味，搞到我地不斷encore再encore，哈哈😂😂😂全部熟食都熱辣辣🔥即叫即燒🔥煙肉秋葵卷，好香既煙肉再加上好多汁既秋葵，出奇地好夾，鹽燒海蝦好大隻，好爽口，雞軟骨炸到脆卜卜👍🏻兩大皇牌雪糕：Haagan-Dazs和Movenpick，一人一杯🍦整體黎講，上菜速度好快，服務員不停地幫我地收碟換碟，好有效率，食物選擇多，又新鮮，三百幾蚊可以食到禁好質素既放題，超抵！下次同屋企人再食過🤗🤗