日泰郎放題料理 (已結業)

今晚同同事又出去食放題,一行五人今次去左呢間日泰郎,,先講講服務,一出電梯已立即有侍應埋來招呼,稍等一陣就有位,入到去,因為我們無book位,坐唔到卡位,因為個場都幾full下,一坐低我們就起動了(因為都幾肚餓),我們落左幾張柯打,炸野,炒野,串燒,壽司,刺身乜都叫啲,一舉手已有侍應埋來,效率相當唔錯,食物方面,炸豆腐很好吃,外脆內軟,蝦餅也很好吃,串燒個汁很好味,亦唔會燒得太乾,個人較鍾意食,落左好幾轉柯打,都無漏單情況,豬頸肉也很香口,還很有肉汁,刺身方面都切得幾厚,第一輪出既冰盤好靚,三文魚很新鮮,第一輪的甜蝦很大隻，墨魚ok爽口，希靈魚，吞拿魚正常水準，不過不失，八爪魚較為好食，爽口又夠海水味，天婦羅夠脆夠熱，壽司方面大致上不過不失還有泰式特飲都很好飲，食物品種實在太多元化了,有日式,有泰式,有港式小炒,仲有火鍋,實在食唔晒咁多款,唯有下次再來努力一下了，五個人埋單190蚊左右