浪人日本料理 (已結業)

中環Soho區西餐選擇較多，不過今次朋友帶我地到蘭桂坊附近一座商業大廈食隱世日本野！呢座大廈以前係夜店為主，原來而家已經變成一幢飲食大廈！餐廳有吧枱亦都有卡位，裝潢行高級餐廳路線。頭盤先要一個海膽豆腐沙律，賣相十分精緻，大大嘅海膽上有少少金箔， 貴氣十足！海膽好鮮甜， 伴以滑滑豆腐及日式芝麻醬食十分開胃！頭盤已經令人驚喜！食日本菜點可以缺少刺身？我地點左一個特上刺身 七點，材料十分新鮮！平目魚，深海池魚，油甘魚，吞拿魚，牡丹蝦，海膽，金目鯛樣樣齊，其中我個人最喜歡牡丹蝦同埋金目鯛，蝦又大又鮮甜，金目鯛輕輕燒焦皮層，好香！當然海膽都係主打，估唔到份量咁多！一點也不吝嗇！十分新鮮！好creamy又甜!! 浪人卷材料都十分誇張，吞拿魚蓉配以日本海膽、三文魚及魚籽，入口鮮甜味美充滿整個味蕾！除咗表層見到嘅吞拿魚蓉，海膽同埋魚籽之外，底層四邊由一層薄薄嘅醬油飯包著中間嘅三文魚刺身，一件已經好飽肚！另外點左一份鵝肝鰻魚卷，呢一份醬汁味較濃，鰻魚醬汁好惹味，鰻魚又夠肥美，中間嘅鵝肝又滑又香，原來咁食都好配搭！鐵板燒M5和牛上碟時以為佢平平無奇，但原來十分驚喜！面層用日本燒肉醬汁淋上，令到牛肉嘅鮮味更