籽樂廚房 (已結業)

上星期朋友話帶我去間好有意義既餐廳食飯,本身一入餐廳都唔覺有咩特別,去到點餐既時間原來餐廳請左襲啞人士做待應,再望真少少原來係間社企餐廳鼓勵有殘障人士就業,根據朋友所講的確係一間有意義既餐廳.餐廳主打食西式料理,有set有散叫同朋友散叫左一款主菜同小食share.黑松露薯條薯條做底加上芝士再焗,面鋪上既黑松露醬都幾多拉起薯條芝士痴住仲有拉絲效果.薯條份量都幾多,食完其實都飽左5成.主菜既黑松露帶子闊條麵十分有水準闊麵充滿蛋香得黎入口彈牙,闊麵掛起晒松露忌廉汁香而濃.帶子厚實微煎2面,意粉仲有好多菇菌令菌香味昇華.