海南少爺 (已結業)

堂食有海景，lunch time 驚冇位又想食，好彩外賣都幾靚仔～❤️海南雞飯 最出名既海南雞飯，基本上係必食～雞肉又大件又非常嫩滑，點特製鼓油真係好出色～油飯香而不膩，好味到大大碗都食得晒 🧡馬來西亞肉骨茶 海南雞飯配既小碗肉骨茶，味道甘甜，有淡啖藥材香味但又完全唔會覺得有藥材苦味，好岩得口味～而且仲有大大舊啖啖肉既肋骨條，好味!!💛印尼炒飯 流心蛋+串燒+蝦片+惹味炒飯，濃郁但唔太咸，味道岩岩好，又豐富又滋味!!💚沙嗲拼盤 雞肉 x 豬肉串燒 啖啖肉～肉質唔會太乾，沙嗲醬有好多花生粒粒好香，忍唔住要點勁多醬💙鹹蛋黃魷魚 好香好脆，魷魚好彈牙～脆脆粉漿外層，仲有鹹蛋黃碎碎，好香鹹蛋黃味