添好運點心專門店 (已結業)

今日想食點心，又係外賣自取，而家無左遊客，排隊等位已不復再， 而家變左排隊等攞外賣。 用apps 早半個鐘訂，去到已經有得攞走。今日叫左燒賣，义燒腸，春卷，蘿蔔糕，咸水角，匙油王炒麵， 鳳爪排骨飯，糯米雞。燒賣豬肉肥瘦適中，有油香，彈牙，呢個堅好味春卷炸到脆卜卜，春卷皮好似薯片咁，又係好味咸水角同春卷一樣，皮脆內軟，掂糯米雞材料豐富，豬肉片啖啖香口，其他就不過不失， 外賣點心黎講， 熱度可以保持，已經非常好。