金鶴拉麵 (荷李活道) (已結業)

疫情關係依家少咗出街, 但係就叫多咗外賣, 今次 想叫下金鶴拉麵嘅外賣，佢依家做緊discount, 外賣自取仲有85折。 計落真係好平。 店員服務亦都好好，等外賣期間亦都邀請喺座位坐住等，佢嘅環境亦都好乾淨好舒服，其實堂食都覺得好安全。睇完menu今次叫咗佢嘅活鰻蒲燒飯同埋雞白湯拉麵， 不得不讚 即使外賣佢嘅賣相都好吸引而且口感亦都同堂食冇分別， 鰻魚超厚，好juicy， 而且仲要係即叫即烤 ，拎到返屋企都仲好熱，配埋佢日本米同鰻魚汁，好有口感。至於佢嘅雞白湯拉麵顧名思義就係雞湯拉麵，好香濃，個湯好好飲， 拎到返屋企，啲面都唔會話浸得太淋， 因為湯同面係分開裝， 佢嘅流心蛋真係好糖心， 唔會有過熟嘅問題又唔會太生， 配埋慢煮雞肉， 仲要唔止一兩塊，足足有三大塊，真係一流。呢間日式餐廳 ，絕對係疫情外賣首選。