影片
更多
2020-06-15
31 浏览
父親節就快到，屋企一向都唔會正日食，因為唔想同人迫😂 加上今年疫情關係，盡量都係想留喺屋企，結果比我搵到可以免運費嘅外賣海鮮餐😏😏 一家人叫左個雙龍宴$1288～見到所有野用保溫袋袋好，好貼心～ 可以係屋企食大餐，黎到仲熱架！成個餐都唔少味餸，份量好夠我成家食！ 避風塘炒龍蝦好香好惹味、龍蝦鉗大大隻！豉椒炒蜆啲蜆都比我想像中大隻。蜆本身甜甜地、豉椒炒又唔會話太搶佢本身個味，幾balance。薑蔥焗沙巴龍躉魚用大量薑蔥爆晒啲味出嚟🤤 龍躉魚起左做魚塊，食起上嚟夠方便！椒鹽骨係食海鮮之餘又有啲肉平衡下。味道都唔錯呀，椒鹽都幾香。飯麵要左我爸爸最愛嘅瑤柱蛋炒飯，因為簡單野先考功夫，炒得幾有獲氣～
避風塘炒龍蝦好香好惹味、龍蝦鉗大大隻！
豉椒炒蜆啲蜆都比我想像中大隻。蜆本身甜甜地、豉椒炒又唔會話太搶佢本身個味，幾balance。
薑蔥焗沙巴龍躉魚用大量薑蔥爆晒啲味出嚟🤤 龍躉魚起左做魚塊，食起上嚟夠方便！
椒鹽骨係食海鮮之餘又有啲肉平衡下。味道都唔錯呀，椒鹽都幾香。
飯麵要左我爸爸最愛嘅瑤柱蛋炒飯，因為簡單野先考功夫，炒得幾有獲氣～
张贴
