牛旨商店

营业中

休息中

冬天啱哂☺️外賣火鍋送到屋企天氣開始凍最啱就係打邊爐，有時懶得滯真係唔想落街，最好就係叫火鍋外賣送到屋企。呢間火鍋非常貼心，基本上爐具所有嘢連燃料都齊備送埋俾你，一人一鍋🍲我哋叫咗一個一人牛肉鍋（美國肥牛）、一個一人豚肉火鍋（荷蘭豚肉）套餐，醬汁包括日式芝麻醬。呢啲配料每個餐一份：芝士竹輪、年糕福袋、頂級蟹柳、鴻喜菇、南瓜、粟米、特式食材、讚岐烏冬。湯底我哋揀咗特濃港式沙嗲湯底、日式蕃茄龍蝦湯。沙嗲湯底好夠味，而且都幾辣。番茄龍蝦湯幾鮮味，蕃茄味都幾香濃。基本上非常豐富一定夠飽。牛肉味都唔錯，肥瘦適中、豚肉亦都夠林。另外仲叫咗美國頂級Prime牛小排、美國安格斯厚切牛板鍵、美國黑豚肉、爆漿三星蔥貢丸、芝士魚豆腐。牛小排肉質相當唔錯、牛味香濃。安格斯厚切有口感。食到飽飽好滿足！一人一鍋真係好方便、好抵食、一人鍋$99起！購滿$300即免運費，除咗火鍋，仲可以一次過訂埋火鍋配料。