肯德基家鄉雞 (KFC) (已結業)

尋日奧運開幕,想叫kfc外賣速遞,點知話要等兩個鐘先到,咁咪分分等到開幕完先有得,咁荒謬梗係唔叫,所以今晚六點鐘就打電話去叫外賣,好彩一個鐘內就送到.叫咗個兩個人食的隨時嘆番餐$112,包括有:巴辣雞翼--有五隻,唔算好巴辣,一般水準.馬鈴薯茸--份量很多,可惜唔多好食,味道怪怪地.原味雞--雞不是很熱,只是暖暖的,不知是否凍咗啲的開係,塊皮又硬又唔脆.家鄉雞皇意粉--算是最好味的一種,意粉不硬,雞皇汁也很好味.2件瑪嘉烈葡撻--外賣與堂食水準一樣.今次係第一次食kfc外賣速遞,發覺同堂食差很遠,包括食物同感覺,下次都係堂食算.