一豚豬手專門店 (永德大廈) (已結業)

位於鵝頸橋有間豬手專門店，今日經過見到佢哋櫥窗show出嚟食物款式都幾多就吸引咗我入去🤣豬牛雞鴨樣樣都有，但係當然要試吓佢哋嘅豬手啦🥢招牌黑椒豬手豬手皮有咬口得來唔韌，豬手皮上面仲有黑椒香得來又唔會蓋過豬手本身嘅味道，豬手食落唔柴之餘都幾淋🥢大阪燒脆腩同平時食開嘅燒腩仔好唔同，佢唔係好乾食落仲幾嫩又唔鞋口，唔同燒男仔好鹹，佢嘅味道適中而且仲有豬嘅味道，燒到金黃香脆嘅外皮食落唔會好油，拎到返屋企晚飯嘅時候都仲係脆架😋總括嚟講佢哋嘅價錢唔算貴，即叫即切，而且佢哋切嘅手勢非常專業😂我見佢啲廣告有豬手套票賣，而排隊前前後後嘅人都係拎住套票嘅熟客仔，下次我再經過嘅時候會試吓其他款式嘅豬手