餃撚店 (已結業)

每個星期六都會去楊屋道街市買餸因為真係好平😁😁經過「楚撚記」好多次今日發現原來佢地暫時只做外賣 同埋門口係仲有間餃子店！叫「餃撚店」 😄😄橫掂買餸，一於買埋新鮮餃子返去，唔洗自己包，慳好多功夫～～（話說我自己上星期買咗西洋菜同豬肉包餃子點知失敗咗🥲🥲）餃子店門面光鮮整潔，餃子係膠盒入面 排住隊等人買返去☺️☺️門口有筆同紙仔，自己剔食物。餃子可以佢煎，等大約10-15分鐘或者買生既自己返屋企煮除左餃子，仲有老火湯、水晶包、壽桃包等等，之後有機會可以試下🤔🤔今次買左西洋菜豬肉鮮蝦餃、東北風味京蔥羊肉餃& 至尊水餃皇☺️☺️水餃皇最正！ 水餃皮冇比我煲爛已經好開心，自己加少少麻油，夠晒滑，餡料味道得宜，唔會太咸，又冇食到肥豬膏😁😁另外既餃子 我拎左去蒸羊肉餃都好出色👍🏼👍🏼羊肉味好香濃 點辣椒油同埋佢嘅菜脯一齊食，更滋味！西洋菜豬肉鮮蝦餃，口感係比較彈牙，應該係因為d蝦🦐🦐一盒6隻，佢地既包裝盒幾好，幾整潔。