台站 (已結業)

近排少出去食飯，但係日日喺屋企煮飯都唔係辦法，因為真係太悶啊！一於喺工作地點附近買啲外賣返屋企做晚餐啦荔枝角有一間超級黃店係後生仔主理，價錢都好實惠，大大盒飯都只係$29 ， $30都唔使，仲有好多其他台灣小食可以試吓！咁我哋就揀咗一個滷肉飯，一個肉操飯（+排骨），同埋黑白花枝丸！兩盒飯個份量都好多，我就覺得滷肉飯好食啲，因為有肥有瘦；肉操飯亦都唔乾，所以都好吸引，仲可以加到款餸菜，排骨方面都幾軟林。啲飯粒都比想像中飽滿，好方便又唔使喺屋企煮！花枝丸，充足鹹香，口感有彈性，好似去咗台灣食！不過當然熱辣辣會更好食啦！