火五越式牛肉粉專門店 (其昌樓)

营业中

休息中

火五越式牛肉粉專門店係好多地方都有分店，今次就去到佐敦店買外賣😚下午茶時段仲有下午茶套餐可以揀，更加抵的～買左兩款撈檬同兩款小食返屋企😊黎到越式餐廳一定唔少得既米紙卷！揀左軟殼蟹米紙卷，一份共有八件，米紙裏面包有粉絲、青瓜、炸軟殼蟹；點埋酸辣汁，清爽好味～香茅雞翼都好抵食，22蚊有4隻，上面加埋啲炸蒜，香口入味～撈檬方面就揀左咖喱牛肋條撈檬，呢款其實唔使用酸辣汁撈都得，因為啲咖喱已經好夠味，牛肋肉亦煮得軟淋，撈埋啲炸蒜、青瓜、紅蘿蔔絲，幾豐富。另一款撈檬就揀左越式春卷撈檬；越式春卷比較細長，裏面係蝦肉餡，呢款就較岩岩果款清淡啲。