火鍋撚 (染布房街) (已結業)

自从打边炉出过事之后，而家好多人都唔敢出街食饭，不过依然减少唔到我对打边炉嘅兴趣。火锅撚除咗推出一人一锅独立火锅之外，呢度仲推出左最新嘅外卖服务。汤底、调味料同火锅料都可以外卖自取返屋企慢慢享受，无论堂食或者外卖都食得安心又放心，系一个唔错嘅选择。落单嘅方法好简单，顾客可以拣外卖自取、致电WhatsApp落单送到府上或者由网上外卖平台落单送上门，凭着有效单据两个礼拜之内再消费仲有堂食九折添。屋企如果冇电磁炉，佢呢度亦都有七折嘅不锈钢锅同埋火锅卡式炉，仲有石油气可以提供埋比你添。今次我就拎咗个锅同朋友一齐分享，真系好有家嘅感觉啊！我哋拣咗台式古早沙嗲麻辣锅做汤底，辣度可以自行调配，拣咗个小辣之后，配料方面叫咗火锅撚御用手切肥牛、手打双重芝心丸、黑白栢叶拼、腐竹拼枝竹红薯粉仲有皇帝菜。我觉得最好食都系芝心丸，佢绝对唔系普通系街市可以买到𠮶款，而系自己亲手打造嘅，所以特别弹牙同埋个流心效果好出众！总括而言啲料都唔错，心痒痒仲想打边炉嘅朋友就唔好错过呢个抗疫优惠啦。😋