漁吉海鮮丼專門店 (已結業)

新年食得煎炸油膩嘢多，想食啲比較清新嘅嘢，又想食得好啲，呢間丼飯啱晒我哋心水，外賣咗兩個返屋企歎🤭漁吉特選丼$228超級豐富，有三文魚、油甘魚、鰻魚、左口魚裙邊、帆立貝各一件，仲有三文魚子、櫻花魷魚、赤蝦2隻，刺身超級新鮮，都係厚切，鰻魚都唔腥。飯量都夠多，店內寫明係用日本米，珍珠米好好食，配上三文魚子撈飯簡直係一流，鹹香鹹香，鮮味鮮味😋北海帆立丼$198呢個飯有帆立貝、三文魚子同埋油甘魚。油甘魚本來係海膽，不過當日冇海膽供應轉左油甘魚。主角帆立貝有微微炙燒過，多咗一份炙燒嘅香味，軟滑鮮甜👍🏻有三大隻，超正😋啱晒我呢個帆立貝控😍