金坊泰國美食

营业中

休息中

之前嚟過呢度食野，覺得味道都ok，今日8月12日嚟買外賣海南雞飯俾親戚食。當時大約係下午2時左右，店內人不算太多，樓面都有5、6個人。等了差不多10分鐘，店員俾我時2盒飯、飲品和湯已入膠袋，一層疊一層放好，加上當時趕時間，所以我無打開嚟檢查就離開。親戚住在葵涌，我放低飯就走了。響坐車返嚟時，親戚打嚟話打開飯盒，一盒係海南雞飯，另一盒竟是白飯！！！！有無較錯呀﹖咁都較錯！！當時只得1、2個人在等外賣，又唔:係好多人買外賣喎。好嬲，馬上打去問，打左幾次都無人聽，起碼3次先有人聽電話，佢地一聽到，好似已知道係攪錯左，叫我返嚟換返。大佬，又要特登返去換，浪費時間！間野咁多樓面，又無咩人叫外賣都可以攪錯﹖﹖門口那個戴眼鏡既男人好似飯盒入面d飯咁，即是一舊飯！！！道歉既態度好求其同敷衍。一d歉意都無呢d咁求其又整錯野既食肆，永遠都唔會再幫襯。奉勸大家日後嚟呢度買外賣，無論買1盒定10盒，都一定要打開嚟check囉，費事佢地又攪錯野。