影片
更多
2020-04-22
18 浏览
第一次見「投鮮食」呢個店名覺得幾特別，於是上網望下有咩特別意思，原來餐廳概念係以空投方式將世界各地新鮮食材帶比香港人品嚐。投鮮食店舖不大，主打外賣，而近期疫情搞到人人唔敢出街食飯，不如買外賣返去安心慢慢嘆。除左日本菜，仲有韓、意、美菜式，亦有下午茶餐、晚餐同各式特調冷熱飲。我叫左「晚航特投」，$90有一款主食、三款小食、一客湯或飲品，另加$5要左隻溫泉蛋。一路等外賣，一路飲住杯暗黑朱古力幼沙，好濃郁，唔過甜，沙冰幾均勻同幼細，似特濃版紙包朱奶，好飲。唔洗10分鐘就拎得。主食揀左來自沖繩ge日式雙重和牛飯，牛粒好腍，牛片肥瘦適中唔鞋口，兩種牛味都算濃，珍珠米配上牛肉燒汁幾夾，就咁睇唔覺大份，但食落就覺份量十足。三款小食都係炸物，蟹鉗同蟹肉忌廉薯餅普普通通，而北海道原隻炸蝦雖然細隻，但肉幾結實。
第一次見「投鮮食」呢個店名覺得幾特別，於是上網望下有咩特別意思，原來餐廳概念係以空投方式將世界各地新鮮食材帶比香港人品嚐。
投鮮食店舖不大，主打外賣，而近期疫情搞到人人唔敢出街食飯，不如買外賣返去安心慢慢嘆。除左日本菜，仲有韓、意、美菜式，亦有下午茶餐、晚餐同各式特調冷熱飲。我叫左「晚航特投」，$90有一款主食、三款小食、一客湯或飲品，另加$5要左隻溫泉蛋。
一路等外賣，一路飲住杯暗黑朱古力幼沙，好濃郁，唔過甜，沙冰幾均勻同幼細，似特濃版紙包朱奶，好飲。
唔洗10分鐘就拎得。
主食揀左來自沖繩ge日式雙重和牛飯，牛粒好腍，牛片肥瘦適中唔鞋口，兩種牛味都算濃，珍珠米配上牛肉燒汁幾夾，就咁睇唔覺大份，但食落就覺份量十足。三款小食都係炸物，蟹鉗同蟹肉忌廉薯餅普普通通，而北海道原隻炸蝦雖然細隻，但肉幾結實。
张贴
