得龍生哥美食 (已結業)

依家呢個時期，最好減少同其他人接觸，所以我都盡量唔同朋友食飯，如果懶得自己煮既話，最好就係叫外賣。呢日home office，中午就去左屋企附近買外賣，試下一間新開既店。呢間店係做街坊生意，價錢幾抵，有幾款外賣快餐可以選擇。我叫左個臘腸排骨飯外賣，老闆仲送左碗湯比我啊！返到屋企，好肚餓啊，當然就即刻開餐啦。講左碗湯先，湯入面都幾料，同埋唔係出面好重味精既湯，唔錯！臘腸排骨飯方面，蠟腸好惹味，排骨有多，夠哂飽啊！