添寶手撕雞 (已結業)

因為疫情之下，成日都係外賣平台叫外賣速遞嚟食。今次揀咗呢間天寶手撕雞諗住唔係太Heavy。手撕雞拼盤 (HKD152) - 包左半隻鹽焗手撕雞、四款小菜（頭抽墨魚、海蜇、雞腎同埋薰蹄）手撕雞係比我想像中好食，好香鹽焗味，分量多味道都唔錯又入味。因為疫情冇得去台灣，試咗好多間台灣鹽水雞，但冇味，雞又硬。呢間算幾好，可以番兜。小食來講我本人最鍾意雞腎，因為夠爽又夠入味。墨魚都夠爽同入味，但唔夠大嚿，所以唔夠口感。海蜇同薰蹄就好普通，下次就唔會叫呢兩個，試吓其他嘢。叫咗兩大盒嘢食，自己再煮多個公仔麵襯返，正！以外賣平台來講百零蚊，有兩大盒嘢食都算抵食嘅。