巧手製作 (已結業)

今日晏咗收工，放工都成八點幾，太夜唔想返屋企煮飯食，想輕鬆買外賣返屋企食，返屋企途經“巧手製作”，有蒸飯、腸粉、點心等等，好似幾吸引，方便快捷平靚正，於是 買咗幾樣食物返屋企慢慢食。佢嘅蒸飯只係25蚊，非常抵，鹹蛋肉餅飯，好厚嘅肉餅，配合橙黃色嘅鹹蛋黃，睇樣都知唔錯，肉餅厚而不實，鹹蛋王又唔會太鹹，配合蒸飯一流。另外，點咗叉燒腸同埋蝦腸，腸粉非常滑，原隻蝦肉非常足料，而且佢嘅腸粉豉油唔會太鹹，抵食又好味。糯米雞大大隻，十分足料，兩嚿大叉燒、雞中翼、冬菇等等，估佢唔到裏面珍藏咗咁多材料。仲有佢既主打“包”，多款選擇，我就食咗個叉燒包，一個包夠兩個人食，包又大，餡料 又多。輕鬆又抵食，“巧手製作”絕對放工外賣之選。