巴辣仔烤魚雞煲 (昌耀大廈) (已結業)

由於疫情嚴峻，盡盡盡量都周街走。一班朋友一年見唔到幾次，所以相約到家中團拜。大家想食雞煲，但我哋搵咗好多間都未開市。突然醒起呢間喺千色店天橋，開咗幾個月嘅烤魚雞煲店。老婆曾經喺度食過烤魚，佢話好掂。知道佢都有雞煲，所以決定試一試。叫咗巴辣雞煲（全隻，中辣）味道好好，比另一荃灣名店（X品）嘅好食。X品嘅雞煲偏甜，醬汁杰，並且價錢偏貴。巴辣仔嘅味道適中，中度咸辣，價錢相宜。唯一不足係，啲雞好細件，我哋一班大人分都分唔到幾多舊。