牛奶冰室 (柯士甸道)

营业中

休息中

又係趕住去做嘢嘅關係，所以同朋友經過啲地方叫外賣就算數，簡單經過見到牛奶冰室就直接響嗰度叫外賣，等嘅時間都唔算太耐，可以接受嘅。第一個飯個名實在太長，其實個人覺得個名改得有啲實在太誇張，去到尾都係叉燒煎蛋飯。全名叫做蒜香蜜汁叉燒煎半焗流心雙蛋飯，成個飯其實都幾好食，蛋亦都真係做到留心嘅，雖然其實都係太陽蛋咁上下，叉燒亦都唔錯，蜜汁味都幾濃，我諗唯一唔滿意就係佢個名實在太無謂地咁長。上海嫩雞米線，朋友話食落都唔錯嘅，只不過唔會有啲乜嘢驚喜，我淨係想話個名簡簡單單咪幾好囉。仲有一個就係惹味中式牛柳，配埋白飯，呢個中式牛柳都係用蜜桃唔用菠蘿，所以味道會偏甜多個酸味，不過配落牛柳到其實都可以接受，份量亦都唔錯，個名亦都唔會太浮誇。