陳家菜 @Freshlane (樂基商業中心) (已結業)

陳家菜位於Freshlane，個設計就好似一個mini 外賣foodcourt，掃個QR code 或者係平時外賣平台點餐，準備好就會通知，可以係格仔櫃自取，非常方便。選擇眾多但偏向晚餐食中菜多，所以叫左兩個一人小菜套餐，味道都幾好，返到屋企都仲熱辣辣，飯同送分開擺放而且蓋得好實，個索袋設計方便運送，唔會左搖右擺又可重用。沙爹肥牛粉絲煲，肥牛、金菇同粉絲既份量多，亦都有D菜，粉絲吸晒沙嗲汁開胃惹味，用黎送飯幾好，唔算辣，如果有D花生味應該更正。麻辣滷水拼盤有好多唔同部位，鴨翼、金錢肚、腩肉、腎，豬大腸等，滷水入味，麻辣後勁慢慢上黎，兩個送都好送得飯，眨下眼就食晒。雖然話係自取櫃，但有咩問題既話其實都有個客服counter 可以幫手跟跟單，安全唔會漏單，係一個幾新既嘗試。