真‧章魚無雙 (已結業)

每逢星期六都好繁忙，有時候忙起上黎全日都無食野。最近個星期六整完野、好肚餓，經過厚福街見到【真‧章魚無雙】好多人排隊，我自己又叫埋一份。我就叫左6粒蟹籽，大概等左5-10分鐘就有。本身怕等禁短時間會唔會凍曬，但完全唔會。章魚燒熱辣辣、外脆内嫩，就算加左醬汁都唔會整霖D章魚燒。 蟹籽脆卜卜，而D醬料唔會太鹹、蓋過曬章魚燒本身同蟹籽既味道。本身佢地有10幾種章魚燒口味、而且大部分口味仲可以雙拼，價錢都算合理。下次有機會會試下其他味道。