影片
更多
2024-07-11
168 浏览
想試好耐嘅外星主題燒肉店， 今次趁去開東港城一田嘅時候幫襯，星期五晚六點鐘仲有位，路軌送餐好有趣，成間餐廳充滿玩味，好期待送餐果一刻，擰定電話拍片，大人細路都好開心😆餐牌勁多選擇，豐儉由人🙂Prime Grade牛五花富士蘋果地雞肉150g $68，套餐已經包咗白飯，和風湯，泡菜或沙律，另外加咗$15升級紫菜溫泉蛋飯，不論100g, 200g, 300g都係同一個價錢😅牛五花每邊輕燒十秒，充滿油香入口即溶🤤，雞肉已經預先有調過味，唔駛點醬汁都好夠味，嫩滑有口感👍宮崎A5和牛肋條肩頸肉100g單點$158，係限量供應嘅稀有部位，另加$28先有得轉套餐，兩種都厚身嘅有5mm到左右，燒完大約係3mm，油脂豐富有咬口，滲入個飯非常香口，牛肋條比較硬身，肩頸肉就淋身軟熟，餐廳備有四種醬汁，分別係甜辣醬，梅子醋汁，鹽味汁，BBQ醬，建議第一嚿乜都唔點試咗原汁原味先😋限時75分鐘，侍應提我哋交檯都好好禮貌，服務亦好好，到七點四走嗰陣時已經超多人等緊位😅下次要再試其他部位😍評分：最高為5分治癒度：👩⚕️👩⚕️👩⚕️👩⚕️👩⚕️抵食度：💉💉💉翻兜指數：🩺🩺🩺🩺🩺EaT燒肉將軍澳坑口重華路8號東港城1樓1
想試好耐嘅外星主題燒肉店， 今次趁去開東港城一田嘅時候幫襯，星期五晚六點鐘仲有位，路軌送餐好有趣，成間餐廳充滿玩味，好期待送餐果一刻，擰定電話拍片，大人細路都好開心😆餐牌勁多選擇，豐儉由人🙂
Prime Grade牛五花富士蘋果地雞肉150g $68，套餐已經包咗白飯，和風湯，泡菜或沙律，另外加咗$15升級紫菜溫泉蛋飯，不論100g, 200g, 300g都係同一個價錢😅牛五花每邊輕燒十秒，充滿油香入口即溶🤤，雞肉已經預先有調過味，唔駛點醬汁都好夠味，嫩滑有口感👍
宮崎A5和牛肋條肩頸肉100g單點$158，係限量供應嘅稀有部位，另加$28先有得轉套餐，兩種都厚身嘅有5mm到左右，燒完大約係3mm，油脂豐富有咬口，滲入個飯非常香口，牛肋條比較硬身，肩頸肉就淋身軟熟，餐廳備有四種醬汁，分別係甜辣醬，梅子醋汁，鹽味汁，BBQ醬，建議第一嚿乜都唔點試咗原汁原味先😋
限時75分鐘，侍應提我哋交檯都好好禮貌，服務亦好好，到七點四走嗰陣時已經超多人等緊位😅下次要再試其他部位😍
評分：最高為5分
治癒度：👩⚕️👩⚕️👩⚕️👩⚕️👩⚕️
抵食度：💉💉💉
翻兜指數：🩺🩺🩺🩺🩺
EaT燒肉
將軍澳坑口重華路8號東港城1樓101號舖
#healingbobo #foodie #hkfoodie #foodiehk #香港 #美食 #TseungKwanO #TKO #將軍澳 #燒肉 #外星人 #UFO #EaT燒肉
张贴
