影片
更多
2019-01-08
583 浏览
為左慶祝同男友相識一週年，我千辛萬苦終於搵到佢公司附近一間葡式燒雞餐廳，想營造返上年呢個時候，大家係Nando’s （英國連鎖葡式燒雞餐廳）第一次共晉晚餐嘅情況，懷念懷念一下。先講環境。留意佢只提供戶外開蓬座位，對於涼慣冷氣嘅香港人黎講可能唔太習慣，但呢個特色似足外國嘅餐廳，可以比人享受自然風、陽光同美景（可惜呢三樣香港都近乎冇），更重要係令我地更聯想起我地係英國嘅生活。不過，四周係工廠背面，所以景色麻麻。至於食物，當然非常好除左睇漏眼以為晚餐都有set menu 點知原來冇。我地兩個唯有單點左一個peri peri half chicken (霹靂霹靂醬，係辣醬一種）同apple salad with rocket leaf and walnuts（蘋果火箭菜合桃沙律，而火箭菜係外國超市好常見）。隻雞燒得好均勻好靚，唔會老，冇晒肉味。連平日唔食雞皮嘅我都忍唔住想食埋去。至於隻醬就辣d仲好，不過男朋友唔食得咁辣😂。雖然每人都只食左1/4隻，但蘋蛋白質同肥脂肪都夠頂肚。至於沙律，以差唔多價黎講就好似冇咁抵。因為蘋果係切絲，份量較少。整體上加左唔少合桃，幾有口感。不過，無論如何呢餐飯重點都
先講環境。留意佢只提供戶外開蓬座位，對於涼慣冷氣嘅香港人黎講可能唔太習慣，但呢個特色似足外國嘅餐廳，可以比人享受自然風、陽光同美景（可惜呢三樣香港都近乎冇），更重要係令我地更聯想起我地係英國嘅生活。不過，四周係工廠背面，所以景色麻麻。
至於食物，當然非常好除左睇漏眼以為晚餐都有set menu 點知原來冇。我地兩個唯有單點左一個peri peri half chicken (霹靂霹靂醬，係辣醬一種）同apple salad with rocket leaf and walnuts（蘋果火箭菜合桃沙律，而火箭菜係外國超市好常見）。
隻雞燒得好均勻好靚，唔會老，冇晒肉味。連平日唔食雞皮嘅我都忍唔住想食埋去。至於隻醬就辣d仲好，不過男朋友唔食得咁辣😂。雖然每人都只食左1/4隻，但蘋蛋白質同肥脂肪都夠頂肚。
至於沙律，以差唔多價黎講就好似冇咁抵。因為蘋果係切絲，份量較少。整體上加左唔少合桃，幾有口感。
不過，無論如何呢餐飯重點都係素造返外國餐廳嘅風格，去慶祝一週年。所以英國回留返香港嘅朋友想食Nando’s時，可以考慮下呢間！
张贴
