蛇王福

营业中

休息中

天氣凍凍就真係想食蛇羹！但自己一個女子又唔夠膽堂食，最好就係外賣～呢間蛇王福已經開左好多年，十月左右好似就會開始賣返蛇羹。套餐對我黎講太大份，加上又唔係話真係平左好多，所以我都係單買細蛇羹。細蛇羹 $54自己覺得都係合理價錢，細碗一個人食已經好飽～啖啖料，食落好和味。隨羹會比埋獨立包裝嘅香料同埋脆脆，都幾衛生同方便，自己想食幾多就倒幾多～老友記介紹蛇湯，話屋企個孫仔都話好飲，下次會試埋～我見都有人會就咁買雙腸飯。