影片
更多
2007-07-12
回想起對上一次嚟「鹿鳴春」已經係去年夏天嘅事了。景物依舊，但人面全非。是日為一位認識十幾年從美國番嚟探親嘅朋友攪聚餐，所以除咗總動員嗌晒一班老死之外，仲揀咗一間我認為比較放心嘅中菜館。响決定地點嘅時候，心中即時想起幾間食肆名稱。由於要考慮到各人居住嘅地點散佈港、九、新界，結論係尖沙咀最合適。如是故「鹿鳴春」係不二之選。老問題一條，就係點樣點菜先至能夠滿足各人唔同嘅口味。調查過其他食家嘅食評，再綜合自己過往嘅經驗，好唔容易揀選咗「砂鍋雞焞翅」、「京燒羊肉」、「鍋燒元蹄」、「叉子燒餅配榨菜肉鬆」、「韮菜煎盒子」、「拔絲蓮子」等。雞焞翅可說是指定動作，今次廚師落鹽重手咗，味道偏鹹；份量方面，我地一行十幾人，嗌咗細嘅，仍能夠每人分到大約一梳翅仔，材料無半點吝嗇。至於「京燒羊肉」，就唔係個個都忍受啲羊羶味同埋羊肉中嘅脂肪，去貨甚慢；點「鍋燒元蹄」嘅原因係前一陣子睇到蔡瀾嘅專欄介紹，上菜嘅時候嚇咗一跳，份量遠超我嘅想像。朋友中輩份最高嘅Mr. B覺得元蹄雖然醃過，但係肉本身食唔出什麼味，比起「太興」燒肉還不及。由於份量實在太多，需要打包(後記：阿K翌日將元蹄加些少鹽同埋即磨黑椒番熱吊味，效果出奇地
老問題一條，就係點樣點菜先至能夠滿足各人唔同嘅口味。調查過其他食家嘅食評，再綜合自己過往嘅經驗，好唔容易揀選咗「砂鍋雞焞翅」、「京燒羊肉」、「鍋燒元蹄」、「叉子燒餅配榨菜肉鬆」、「韮菜煎盒子」、「拔絲蓮子」等。雞焞翅可說是指定動作，今次廚師落鹽重手咗，味道偏鹹；份量方面，我地一行十幾人，嗌咗細嘅，仍能夠每人分到大約一梳翅仔，材料無半點吝嗇。至於「京燒羊肉」，就唔係個個都忍受啲羊羶味同埋羊肉中嘅脂肪，去貨甚慢；點「鍋燒元蹄」嘅原因係前一陣子睇到蔡瀾嘅專欄介紹，上菜嘅時候嚇咗一跳，份量遠超我嘅想像。朋友中輩份最高嘅Mr. B覺得元蹄雖然醃過，但係肉本身食唔出什麼味，比起「太興」燒肉還不及。由於份量實在太多，需要打包(後記：阿K翌日將元蹄加些少鹽同埋即磨黑椒番熱吊味，效果出奇地好，肉味即時番晒嚟，果然有成為大廚嘅潛質。)；「榨菜肉鬆」係我呢班朋友另一不二之選，亦係全晚葷菜中最唔油膩嘅一道菜，自然地去貨速度比較快。菜式本身應該係比較醒胃，可惜之前嘅菜式太膩，大夥兒都顯得有啲有心無力；同一道理，煎盒子亦只適宜於清淡菜式中作為平衡點綴，放埋眾多飽肚食物中會比較浪費。「拔絲蓮子」整得很求其，蘸咗麥芽糖嘅蓮子係咁咦過一過冰水就話食得，蓮子心又去得唔清，所以有啲苦澀味，失敗！
服務方面要講多兩句，部長經常笑容滿面，初時俾我嘅印象唔錯，服務態度十分友善，可惜呢個原來只係一個假面具。承諾十五分鐘後可以上菜，三催四請下比原訂時間多半個鐘頭先上第一道菜，其間部長依然掛著笑臉，幾次幾乎誓神劈願話餸菜五分鐘後到，結果得個桔。唔真誠嘅服務，幾好笑容亦係枉然。
價錢每人一百八十大元正，食後十分失落，腦裡盤算點解今次冇好似之前一次咁留下良好印象。落到街上，忽然夏雨滂沱。炎炎夏日，天氣竟如春天般難測，尤如「鹿鳴春」嘅水準一樣。
张贴
