禾牛薈火煱館 (金馬倫道)

营业中

休息中

夏日炎炎，唔知點解好想打邊爐，食好多好多野，滿足一下一天的勞累。入到黎感覺好舒服，四個人可以坐邊枱，有電視睇。而我們多人，今次坐圓枱。未黎湯底之前，當然要叫番d 小食，酸薑溏心皮蛋，兩者真係絕配，又開胃，又填補我飢餓的感覺。之後再黎脆炸墨魚丸，賣相金黃色，好吸引，又彈牙，墨魚味十足。不得不提係呢一盤法國生蠔，勁抵食，海水味適中，十分肥味，完全係實現到即開即食的滿足感。食左無幾耐，終於黎到個湯底，呢個珍實豬骨煲，分量真係勁十足，三四舊連肉的豬骨，唔怪得之湯底咁有味，其他配料真係要食左先，如果唔係唔夠位落其他料。之後就叫左本地招牌手切肥牛，魚皮餃，自家制四寶丸，炸魚皮。其實樣樣款式都好好味，分量又好夠。其中我覺得最出色係一個炸魚皮，因為真係啱啱炸起，配埋你個湯底嘅味道，真係好夾。最後仲叫左個水晶粉，聲稱只係滾一分鐘就夠，我們當然計曬時，效果好理想，果然係好彈牙。總結黎講，呢一餐性價比真係幾高，絕對值得再試，係尖沙咀食到呢一個環境同價錢，真係正。