小甜谷 (已結業)

開左有一段時間，一直想試但位置不算方便，所以老公不願去。反而摯友生日飯後，想吃甜品，銅鑼灣實在冇野想食，就行落大坑，一試小甜谷了。本來晚飯飽到不得了既我，根本吃不下甜品，但一見倒這個水果沙冰系列即雙眼發光。入座後二話不說即點了我至愛既椰子沙冰，外觀吸引之餘，味道超正，夠冰涼﹑清甜，熱爆夏日來一個水果沙冰，真係乜暑氣都冇哂呀！見隔離枱既西瓜同菠蘿冰都好吸引，所以都借來影相，下次我一定會自己 KO 的！其他糖水如芒果西米露給比下去，不點也沒所謂！其實小甜谷好像用北海道3.6牛乳造甜品而出名，只可惜我不吃燉奶燉蛋之類既甜品，不能下評！