餐廳招牌非常亮眼一定搵得到😝 綠楊坊分店都開左好耐但店內裝修依然整齊乾淨👍
首先點左個燒烤雞肉沙律（$70), 大大碟之餘仲配有墨西哥脆片提升口感層次，唔會覺得一味食菜咁寡。烤雞肉亦唔會好乾好柴，燒得剛剛好👍
水牛城單骨雞翼（$55) 成板上超級抵食！雖然同其他地方既水牛城雞翼味道有分別，但都算係另一番風味，好食😋
香辣椒蕃茄大蝦配多士（$58), 睇相都見到大大隻蝦🍤放落多士上面一啖夠晒過癮🤣
主菜香辣鮮魷魚墨魚汁意粉（$88), 唔食得辣既人唔洗擔心，佢辣度只屬於提味級別👍。 個人喜歡墨魚汁意粉，魷魚切幼身容易入口，加上檸檬汁令整個意粉有清新感覺，非常適合夏天食❤️👍
最後甜品叫左焦糖蘋果酥皮撻（$66) 同士多啤梨牛角飽窩夫（$62) 酥皮撻既蘋果蓉甜度適中，唔會太濃肉桂粉。 牛角飽窩夫有驚喜，口感特別，有咸有甜，賣相不錯😋黎到記得留肚試下呀！
埋單$520
好食指數：⭐️⭐️⭐️⭐️⭐️
性價比：⭐️⭐️⭐️⭐️⭐️
