影片
更多
2018-05-14
58 浏览
呢排天氣超熱人都就嚟中暑啦，個人成日都冇乜胃口，最想就係食啲輕口味、清新嘅嘢，越南菜真係最啱呢排嘅天氣食， 同朋友去開銅鑼灣買嘢，經過呢間專食牛河嘅fuhn ， 望落環境裝修都唔錯，好啦，一於試下佢。行街行到好攰好餓嘅我地，一坐低就嗌咗呢個特色牛湯河，有唔同嘅份量選擇，我哋揀咗XL size，menu 果然無講錯，真係美國人份量。除咗生熟牛肉之外， 有手打牛丸、牛筋、牛百葉、 牛坑腩等等， 真係非常足料， 而且底下嘅河粉都非常之滑。店員亦會送上芽菜、九層塔，同埋各種唔同嘅香葉。仲好有心思咁將啲香葉擺到好似花樽咁，好靚呀， 可以畀食客揀自己鍾意嘅味道，加落湯河提升香味。生牛肉採用安格斯肥牛 ，絕對唔會畀湯浸到老曬， 將佢放喺湯底過一陣慢慢變熟，食落仲好滑溜，而且安格斯肥牛非常有肉味， 唔會太肥，肉質鮮味，口感一流。其次我都好欣賞 牛丸同牛筋，牛丸夠曬彈牙，牛筋就夠淋夠滑。至於朋友仔就嗌咗呢一個豬頸肉撈檬，可以見到份量都唔細，而且係材料好多，非常抵食。豬頸肉炸得非常酥脆，而且撈埋酸酸甜甜嘅酸蘿蔔同撈檬，口感清新，絕對唔會油膩。 至於食越南嘢就梗係唔少得牛油雞翼啦，每隻雞翼都有手掌心咁大，
行街行到好攰好餓嘅我地，一坐低就嗌咗呢個特色牛湯河，有唔同嘅份量選擇，我哋揀咗XL size，menu 果然無講錯，真係美國人份量。
除咗生熟牛肉之外， 有手打牛丸、牛筋、牛百葉、 牛坑腩等等， 真係非常足料， 而且底下嘅河粉都非常之滑。
店員亦會送上芽菜、九層塔，同埋各種唔同嘅香葉。
仲好有心思咁將啲香葉擺到好似花樽咁，好靚呀， 可以畀食客揀自己鍾意嘅味道，加落湯河提升香味。
生牛肉採用安格斯肥牛 ，絕對唔會畀湯浸到老曬， 將佢放喺湯底過一陣慢慢變熟，食落仲好滑溜，而且安格斯肥牛非常有肉味， 唔會太肥，肉質鮮味，口感一流。
其次我都好欣賞 牛丸同牛筋，牛丸夠曬彈牙，牛筋就夠淋夠滑。
至於朋友仔就嗌咗呢一個豬頸肉撈檬，可以見到份量都唔細，而且係材料好多，非常抵食。
豬頸肉炸得非常酥脆，而且撈埋酸酸甜甜嘅酸蘿蔔同撈檬，口感清新，絕對唔會油膩。
至於食越南嘢就梗係唔少得牛油雞翼啦，每隻雞翼都有手掌心咁大， 都幾大㗎，我覺得除咗香口鬆脆之外，牛油同蒜蓉嘅香味都包圍住雞翼， 就好似食緊雞翼版嘅蒜蓉法包， 鍾意食香口嘢嘅人必試。
小食方面我哋亦都叫咗呢一個大蝦米紙卷， 每隻蝦嘅肉質都非常爽口， 而且米捲入面亦都包咗青瓜、生菜、酸蘿蔔絲同米粉等等， 其實都幾飽肚。
配埋店家泡製嘅麻醬，有少少中式嘅感覺，好似食緊雞絲粉皮，我會比較鍾意點是拉差辣椒醬， 酸酸辣辣，就比較開胃，但係麻醬都唔錯，好有fusion 既感覺。
张贴
