坐低cool down完有時間睇下周圍既環境，柔和既燈光加上日系牆紙，配合熟悉(但係講唔出歌名
)既日文歌，真係可以呃下自己
]
主食方面今次叫左雞白湯拉麵同黑蒜油拉麵
有個小插曲，就係我地一直都以為自己叫左特濃雞白湯拉麵，直到埋單先知道
不過拉麵個湯都好creamy，而且份量多
細心既侍應姐姐仲提醒我地炸牛蒡要趁脆食
雞肉方面好嫩滑，唔會有雪雞味，食得出係用心之作
由於唔想兩個麵都係雞白湯所以決定試試黑蒜油拉麵
呢個拉麵相對比較輕盈，黑蒜味香濃，想有啲新鮮感嘅朋友可以試吓
個人認為食拉麵個湯一定要夠熱，師傅就好似讀到我哋嘅心
，所以兩個麵個湯一黎既時候都係熱辣辣，加分！
小食方面今次試左黑椒牛舌，睇相都可以見到片牛舌有幾肥美同埋立立令
不過可能因為太厚身難啲熟同因應衛生因素，師傅稍為將牛舌切薄咗不過仍然有口感，入口即溶，同埋好濃嘅黑椒味
由於太掛住日本(嘅便利店)小食,所以再嗌左份日式唐揚炸雞食
一黎到都嚇左一嚇，皆因勁大舊
食落都有驚喜，外層炸得好香口，一啖咬落去裡面既肉汁隨即向口內四散
值得一試！
食完濃味既拉麵再食返件抹茶黑糖果凍就完美喇
好似我地咁成日嚟食可以考慮成為會員，望落都多jetso
下次嚟一於試埋個激厚3cm 鰻魚飯
