鴻福堂 (已搬遷) 新店位置

夏日炎炎點可以放棄凍飲架呢？早兩日同事幫我買左鴻福堂既飲品卷，行街經過當然要買返兩枝飲下！當7仔一枝津路都要$10時，鴻福堂真的唔貴！首先出場，士多啤梨奶露飲品，即係士多啤梨奶，入口時覺得少少酸，奶味唔太重，再飲就覺得奶味中和左士多啤梨既酸味，好飲左，同埋甜味係底部，一定要搖勻先飲呀！屬於我既係菊花雪梨花旗蔘蜜，一打開蓋已經覺得好香，好香的菊花味（順帶一提，飲品夠凍，透心涼喎！）第一口都係菊花味，好清新的味道，雪梨味坦白講唔多覺，花旗蔘味初時不太明顯，再多飲就慢慢覺得有d甘甜味，就係花旗蔘的甜味！$26一枝我覺得質素不錯！