美思蜜可酸奶 (已結業)

今日特登行到黎廟街，就係為咗一嘗呢間 Miss Milk 🥛 位置有少少偏僻，但小店嘅 logo 係大街之中都幾醒目搶眼，所以都唔算特別難搵。小店主打酸奶產品，有酸奶製成嘅各款飲品，亦有唔少特色嘅甜品，價錢亦都唔貴，最貴嘅只係$35，食多幾款銀包都唔會肉赤。店內環境都唔錯，舒適整潔，隨處可見酸奶既影子。我同朋友分別選擇左炒酸奶塊同香蕉牛奶。我要大力推薦炒酸奶塊👍🏻口感好特別，有少少似炒雪糕，咬落去冰涼透心，有好香濃既酸奶味。另外仲會配上水果，不過個人覺得蜜瓜同炒酸奶唔太夾，就咁食炒酸奶塊已經夠曬好食👍🏻香甜既曲奇碎亦都為炒酸奶塊加分不少。香蕉牛奶成日飲，但係用酸奶整成嘅香蕉牛奶好似真係未飲過。味道係有別於一般平時，有少少似童年時成日食嘅香蕉朱古力，酸奶味濃，益生菌豐富，都值得 try try。