影片
更多
2016-06-27
537 浏览
星期六嘅晚上, 適逢歐洲國家盃大戰, 友人唔想到酒吧太過嘈雜嘅環境觀賞, 就到左三禾, 一邊睇波, 一邊品嚐美食。呢度除左係火鍋店之外, 亦都可以同時食到日本刺身美食, 一頁頁的菜單, 選擇非常之多。刺身、牛肉片、羊肉片、豬肉片、蔬菜類、甜品樣樣包羅萬有, 呢晚絕對會食得飽飽。選好各款食材後, 事不宜遲, 馬上混好醬料之後, 火銅湯底好快就上場。骨膠原黑豚肉骨鍋, 睇相都睇到, 用料非常之足, 大大件嘅豬骨, 以及爽甜嘅粟米, 令到整個湯底精華滿載。食火鍋, 個人首選必定係肉類。安格斯牛小排油脂散佈平均, 牛香味濃郁, 放落湯底快滾, 入口嫩滑、軟腍, 絕對encore!豬頸肉亦都選材新鮮, 肉質彈牙, 切成條狀亦都可以更快熟。墨魚滑係人手自己打, 所以定必爽滑彈牙, 食得出粒粒墨魚肉, 係必叫之選。而海鮮系列, 魷魚筒以及牛柏葉清潔得乾淨, 賣相討好, 質感彈牙。而個人另一最愛, 就係脆卜卜嘅炸魚皮以及響鈴。新鮮即炸, 熱騰騰嘅響鈴, 少少咸嘅炸魚皮, 係湯底滾兩滾, 已經非常滋味。除左火鍋出色之外, 刺身拼盤亦都值得一試。有三文魚、帶子、鮑片、象拔蚌, 厚切嘅三文魚, 魚香味甚濃,
呢度除左係火鍋店之外, 亦都可以同時食到日本刺身美食, 一頁頁的菜單, 選擇非常之多。刺身、牛肉片、羊肉片、豬肉片、蔬菜類、甜品樣樣包羅萬有, 呢晚絕對會食得飽飽。
選好各款食材後, 事不宜遲, 馬上混好醬料之後, 火銅湯底好快就上場。骨膠原黑豚肉骨鍋, 睇相都睇到, 用料非常之足, 大大件嘅豬骨, 以及爽甜嘅粟米, 令到整個湯底精華滿載。
食火鍋, 個人首選必定係肉類。安格斯牛小排油脂散佈平均, 牛香味濃郁, 放落湯底快滾, 入口嫩滑、軟腍, 絕對encore!豬頸肉亦都選材新鮮, 肉質彈牙, 切成條狀亦都可以更快熟。
墨魚滑係人手自己打, 所以定必爽滑彈牙, 食得出粒粒墨魚肉, 係必叫之選。而海鮮系列, 魷魚筒以及牛柏葉清潔得乾淨, 賣相討好, 質感彈牙。
而個人另一最愛, 就係脆卜卜嘅炸魚皮以及響鈴。新鮮即炸, 熱騰騰嘅響鈴, 少少咸嘅炸魚皮, 係湯底滾兩滾, 已經非常滋味。
除左火鍋出色之外, 刺身拼盤亦都值得一試。有三文魚、帶子、鮑片、象拔蚌, 厚切嘅三文魚, 魚香味甚濃, 帶子口感軟滑, 鮑片亦鮮甜。
最好有甜品時間, 一一品嚐過朱古力燉蛋、芒果布甸、牛奶布甸及木糠布甸。最具特色必然係製成一個小盆栽嘅木糠布甸，加插香草, 幾可亂真。布甸口感鬆軟滑溜, 忌廉味道適中, 比坊間嘅甜品店還要好食。
张贴
