沐白小農 (已結業)

好多人都話元朗沐白小農沐場好正，但一直都未有機會去試。有日行過公司附近竟然比我發現佢既身影，當然馬上同同事買返幾杯試試佢啦！Menu都好多款，係花多眼亂之際，好彩佢收銀附近都有好多推薦產品，我地就揀左皇牌黑糖波霸鮮奶、大甲竽頭鮮奶同草莓鮮奶。我地揀晒奶類都係因為見到佢雪櫃用晒meiji鮮奶，覺得好吸引！尖沙咀店裝修好靚，十分清新簡約，店面光線充足，令人感覺十分舒服。有好大道壁畫又有彩色凳打卡。最貼心係呢到有位坐之餘，仲提供左叉電線比你一邊飲野一邊免費叉電，真係好加分呀！飲品方面，黑糖波霸鮮奶賣相為清新小可愛, 味道很不錯.黑糖珍珠較為大粒, 粉圓口感非常煙韌.由於黑糖珍珠只有一種甜度, 故甜度不能選擇. 嘗試與鮮奶拌勻再試, 奶味香濃, 而且鮮奶中和了甜度, 恰度好處.而店員推介既草莓鮮奶，本身怕會好甜，不過店員介紹時提及佢地沒有添加糖漿，而係用新鮮草莓。果然，用料新鮮，沒有加任何添加劑，十分健康，飲用前需要搖勻，如果唔係就只係飲到牛奶味。搖勻之後，可以品嚐到草莓既香甜味，但呢杯草莓鮮奶就未必適合喜歡甜度高飲品既朋友喇。呢杯草莓鮮奶絕對係夏天清新之選。大甲竽頭鮮奶，唔會太甜，竽泥有口感