海防串燒越南料理

营业中

休息中

好耐好耐好耐之前睇咗某報報導，話海防串燒越南料理係家庭式經營，同埋會同隔離啲舖頭互相幫助，我都幾鍾意呢類有人情味嘅小店，趁去開呢頭天氣又熱就去食吓撈檬。呢度有幾款越式撈檬同湯檬，亦都有飯同串燒之類，價錢三十蚊起，跟埋嘢飲都唔洗四十蚊，比連鎖店平得多。香茅豬扒撈檬嘅豬扒塊皮都幾脆，調味足夠。檬粉上面鋪咗青瓜絲、生菜絲、乾蔥、花生碎，同埋仲加咗薄荷葉，咬起嚟多咗份清新口感。我哋仲叫咗兩杯特飲，薄荷青檸冰入面嘅薄荷葉份量唔少，加埋鮮青檸味道微甜少酸，飲起上嚟都幾透心涼。