影片
更多
2023-08-08
134 浏览
今年嘅夏天真係又焗又熱就算幾肚餓都冇乜胃口！老婆大人見我咁嘅樣就約埋啲朋友同我去食日本嘢，仲係食我鍾意嘅串燒同埋飲冰凍嘅Sake真係爽爆。呢間木戶絕對係我哋食日本串燒嘅飯堂！餐廳出咗個夏日限定菜梗係要嚟開餐啦。今次坐喺卡位入面睇住師傅用備長炭整串燒，嗰個氣氛同坐吧枱一樣咁正斗。先嚟番杯冰凍清酒開下胃先！呢枝作 惠乃智 純米吟釀飲落好有層次而且順喉，甘辛平衡得唔錯有馥郁嘅果香好飲呀。有靚清酒梗係要嗌個小食嚟送酒啦，呢個係酒盗鰹魚配烤鱈魚片，又香又脆嘅鱈魚片點啲酒盜鰹魚食落鹹鹹香香咁送酒一流。天氣熱最好就係嘆凍冰冰嘅嘢食！呢個係明太子泡菜汁奶油芝士烏冬，白雪雪嘅奶油芝士上面插咗支泡菜汁針筒個樣真係好搞鬼！食嘅時候將泡菜汁唧落烏冬入面然後撈勻嚟食，冰冰涼嘅口感食得好舒服加埋又香又辣真係幾開胃㗎。跟住呢個係炙燒自家製日南醬油漬金槍魚一夜干，呢啲醃咗一晚嘅魚我食過唔少！不過醬油吞拿魚又好似真係第一次食咋喎！味道真係好鬼濃都係送酒好唔錯嘅嘢食嚟㗎。老婆大人最鍾意食豬扒！梗係要叫返份吉列西班牙伊比利亞黑毛豬豬扒過佢嘆啦！呢個吉列豬扒外皮炸得好鬆脆唔會油淋淋！至於個來佬豬扒咬落去嘅質地好彈牙同埋肉味都
呢間木戶絕對係我哋食日本串燒嘅飯堂！餐廳出咗個夏日限定菜梗係要嚟開餐啦。
今次坐喺卡位入面睇住師傅用備長炭整串燒，嗰個氣氛同坐吧枱一樣咁正斗。
先嚟番杯冰凍清酒開下胃先！呢枝作 惠乃智 純米吟釀飲落好有層次而且順喉，甘辛平衡得唔錯有馥郁嘅果香好飲呀。
有靚清酒梗係要嗌個小食嚟送酒啦，呢個係酒盗鰹魚配烤鱈魚片，又香又脆嘅鱈魚片點啲酒盜鰹魚食落鹹鹹香香咁送酒一流。
天氣熱最好就係嘆凍冰冰嘅嘢食！呢個係明太子泡菜汁奶油芝士烏冬，白雪雪嘅奶油芝士上面插咗支泡菜汁針筒個樣真係好搞鬼！
食嘅時候將泡菜汁唧落烏冬入面然後撈勻嚟食，冰冰涼嘅口感食得好舒服加埋又香又辣真係幾開胃㗎。
跟住呢個係炙燒自家製日南醬油漬金槍魚一夜干，呢啲醃咗一晚嘅魚我食過唔少！不過醬油吞拿魚又好似真係第一次食咋喎！味道真係好鬼濃都係送酒好唔錯嘅嘢食嚟㗎。
老婆大人最鍾意食豬扒！梗係要叫返份吉列西班牙伊比利亞黑毛豬豬扒過佢嘆啦！
呢個吉列豬扒外皮炸得好鬆脆唔會油淋淋！至於個來佬豬扒咬落去嘅質地好彈牙同埋肉味都幾濃，配埋大廚自家製嘅醬汁食好鬼惹味。
呢個都係老婆大人嘅飛佛嘢食，炭燒有機日本獅子唐青椒我就麻麻哋！喫椒呢家嘢都係留俾老婆大人同朋友仔嘆好喇。
跟住呢個烤熊本肥後赤茄子就唔同喇！又香又甜又多汁嘅茄子要我食一碟都唔嫌多。
我哋有三個人都鍾意食牛肉所以叫咗個炭火宮崎和牛朴葉燒嚟嘆！
勁多香脆蒜片下係宮崎和牛擺喺朴葉上面用炭爐燒住聞到朴葉香就食得！點埋個香醋牛蒡汁食就冇咁油膩。
兩條麻甩佬未夠飽要叫啲飽肚嘢食！呢個宮崎特色魚肉烏冬啱晒唔鍾意食澱粉質嘅朋友仔。
大大塊油揚用嚟索晒湯嘅甜味，下面嘅魚麵好彈牙同埋煙靭，加埋清甜嘅湯底都幾好味喎！
最後梗係要嗌呢個宮崎式雞頸肉炭火燒鐵板燒，因為係我老婆大人嚟到必食嘅菜！
雞頸肉件件都好有咬口師傅煮到佢充滿炭香味，連下面嘅椰菜都好鬼正不過大前提當然要唔怕雞油啦哈哈。
甜品我同老婆大人都麻麻哋！不過另外兩位好朋友就係甜迷，所以都叫份抹茶蕨餅一齊食，抹茶味都好甘香濃郁同埋唔會太甜都唔錯㗎。
张贴
