一豚豬手專門店 (已結業)

依家天氣熱辣辣，行入廚房都熱到暈，唔想煮咁多餸，以前斬料加餸通常係燒味，自從街市開左「一豚豬手專門店」我一直都心癢癢想試下，今日天氣酷熱就買嚟加餸，行過見到岩岩整好左既大阪燒脆腩，外表燒到金黃香脆，決定買嚟試下。店員好好人，提我返到屋企要打開個盒，食個陣可以焗/用鑊旱返熱食，另外佢介紹必買既滷水豬手，最正係可以留起條骨用嚟煲湯/煲粥 ，yummy又抵多餐！大阪燒脆腩咬落去真係超級無敵脆，再配埋芥末醬食到停唔到口，啖啖肉滿滿油脂香，好食，而且店員話卷住嚟燒，好多工序，所以都係買嚟食過下癮！滷水豬手份量好多好，整得好入味又腍身，食落去啖啖肉，但又唔會過鹹，超正，兩款都有特色，夏天加餸必買之選！