影片
更多
2016-09-10
790 浏览
今次黎到好耐冇黎既夏麪館，我對於佢既印象仲係停留緊係好幾年前係圓方食過難忘既紅燒獅子頭，一直都好懷念好想再試下佢既其他菜式。直至知道佢係屯門都開左分店時，因為係友愛唔係好就腳，所以一直未有機會去試下...山長水遠，行左差唔多半個鐘，終於黎到啦，本來諗住應該會好旺，點知午市竟然唔駛等位，已經嚇左一跳，望下門口個menu，竟然有lunch set !!!仲要係五十幾蚊一個!!!我冇眼花下嘛?!有前菜包凍飲，呢啲係茶記既定價黎架喎!好!一於睇下你咩料子!抱住一揭佢蘆山真面目既心情行左入去。一坐低，唔駛問阿桂，肯肯定係3個lunch set，又平又多野食，話口未完，前菜已經到左...簡直係光速...涼拌茄子，即係蠔油加茄子，茄子唔油，用蒸而唔係炸，呢點值得一提，佢用既蠔油唔係一般出面食到既李錦記，味道會偏甜，個人比較鍾意呢種，但比例上都仲係太多，搞到食落都係偏鹹，有待改善手拍青瓜，呢樣係必叫，作為前菜佢係開胃既不二之選，而呢道菜亦係評審店家有冇落工夫既標準，呢度做得好好，醋既味唔會太勁，但酸得黎帶點甜，最重要係佢既蒜味非常之突出，而且唔多水，證明佢有用糖醃一陣出左啲水先，調味亦恰到好處，算係做
山長水遠，行左差唔多半個鐘，終於黎到啦，本來諗住應該會好旺，點知午市竟然唔駛等位，已經嚇左一跳，望下門口個menu，竟然有lunch set !!!仲要係五十幾蚊一個!!!我冇眼花下嘛?!有前菜包凍飲，呢啲係茶記既定價黎架喎!好!一於睇下你咩料子!抱住一揭佢蘆山真面目既心情行左入去。
一坐低，唔駛問阿桂，肯肯定係3個lunch set，又平又多野食，話口未完，前菜已經到左...簡直係光速...
前菜sss
17 浏览
0 赞好
0 留言
手拍青瓜，呢樣係必叫，作為前菜佢係開胃既不二之選，而呢道菜亦係評審店家有冇落工夫既標準，呢度做得好好，醋既味唔會太勁，但酸得黎帶點甜，最重要係佢既蒜味非常之突出，而且唔多水，證明佢有用糖醃一陣出左啲水先，調味亦恰到好處，算係做得比較出色
涼拌粉皮，呢樣就真係好耐冇食過，難得黎到上海飯店一定要叫，粉皮食落略為爽口，帶點油膩，個汁係花生醬同麻醬，調得唔錯，總括黎講就唔係特別好食，不過不失咁，只係單純因為好耐冇食先會叫，如果唔係太好呢味既食家可以試下其他，佢個前菜都有好多款式。
至於主菜，首先既係招牌夏味炒飯，因為menu上唔係咁多款式，所以想叫個飯試下水準如何，點知真係有啲失望，同多年前食過既獅子頭飯完全冇得比，大不如前，冇料既程度已經去到只係放啲蔥同啲唔知咩乾黎充數，食落好虛同冇肉香，對於一碟炒飯黎講係死穴，好唔掂
再黎既係牛肉擔擔撈麪，個配搭有些少奇怪，一碗撈麪+一碗仔清湯，但最奇怪係兩者之間係冇任何既關連...Any肥，個麪先係重點，擔擔醬汁做得非常唔錯，好有花生醬既香味，亦不失肉碎既肉香，略帶點辣，配上拉麪好惹味，宜家諗返起都流哂口水一個字，正!
跟住係排骨擔擔麪，個人覺得呢個係成餐飯最正宗既上海菜式，呢度既lunch set menu 基本上麪食只係有分清湯底既菜式同擔擔湯底既菜式，強烈建議選擇擔擔湯底既菜式(即係擔擔麪)!!!主要因為呢度既清湯底麪食基本上係超淡，就好似你去食譚仔叫左碗清湯米線咁(我諗佢仲要淡過譚仔)，我直頭覺得自己好似食係水溝麪咁...講返正題，擔擔麪個真係好正，連我呢個唔係咁鍾意食麪既都覺得佢整得濃郁，有好香既花生醬同辣味，配埋佢既炸排骨簡直係一流!!!必食!
我地仲另外叫左個春卷，完全係強差人意，基本上只係炸好既普通春卷，餡料完全冇講究，入面係一堆雜菜，我印象中係食唔到有肉，冇平時係酒樓叫果啲春卷既香口酥脆同開胃感覺，只係求其交貨，Bad!
另外，我地仲有張coupon係之前食果時送既，係送一客小籠包，呢個就平平無奇，冇咩特別，唔會話難食，但又未去到令人眼前一亮既境界，主要係皮略為厚身，而且肉汁唔夠多，做唔到小籠包果種既鮮嫰多汁，配浙醋食算係還可以啦。
跟餐仲送一杯野飲，我地都要凍豆漿，媽子話好好飲，我就覺得都係平平無奇咁啦。夏麪館已經大不如前，昔日紅燒獅子頭既味道唔通只可以長留在記憶中? 夏味已經不再。
张贴
