影片
更多
2004-12-26
15 浏览
最後五分鐘。扒地完左，己經耗盡九成食力，出到去差不多十一點半，人頭湧湧，若不是跟華dee見見面，都幾難請得郁哩個自閉ｏ既我。送左一份令我百感交集ｏ既禮物，十多年無變，依然係咁大膽、我行我素。鼠左上黎拆禮物，好好彩僅餘一張檯，是晚設了「最低消費（五十蚊），叫左檸檬、薑片花果茶，藍莓cheese cake，全麥吞拿魚多士；賣相依然有心思兼吸引．．．藍莓cc：濃實芝士，鋪上藍莓醬，外層厚脆餅底，食落口感幾好，我食左幾啖，華dee執手尾，由於厚餅外層相對芝士少ｏ的，所以唔會太漏喎。花果茶：是晚吃得飽飽濟濟，檸檬、薑片最有效，跟店主說要少甜，幫我地adjust蜜糖粒份量添（其實都可以唔落ｏ既）。浸一會兒，味出才飲，香味四溢；飲了一整壺，本來店主跟我們添水，基於要走，拒絕了。吞拿魚多士：賣相好有心思，雖然係普通簡單材料ｏ既多士組合，配料生菜蕃茄很新鮮，面頭小小的魚子醬點綴下，生色不少；叫了多士唔好烘得咁“火農”，依然係咁好味，可能係喜歡全麥啦。兩條友吃了少許就要打包拎走喇，外賣盒係一個藍色蓋ｏ既近似微波爐盒，有點意外（以為求求其一個外賣膠兜）。立下眼，粉筆menu 添了不少色彩喎．．．熱鬧過後，華
扒地完左，己經耗盡九成食力，出到去差不多十一點半，人頭湧湧，若不是跟華dee見見面，都幾難請得郁哩個自閉ｏ既我。送左一份令我百感交集ｏ既禮物，十多年無變，依然係咁大膽、我行我素。
鼠左上黎拆禮物，好好彩僅餘一張檯，是晚設了「最低消費（五十蚊），叫左檸檬、薑片花果茶，藍莓cheese cake，全麥吞拿魚多士；賣相依然有心思兼吸引．．．
藍莓cc：濃實芝士，鋪上藍莓醬，外層厚脆餅底，食落口感幾好，我食左幾啖，華dee執手尾，由於厚餅外層相對芝士少ｏ的，所以唔會太漏喎。
花果茶：是晚吃得飽飽濟濟，檸檬、薑片最有效，跟店主說要少甜，幫我地adjust蜜糖粒份量添（其實都可以唔落ｏ既）。浸一會兒，味出才飲，香味四溢；飲了一整壺，本來店主跟我們添水，基於要走，拒絕了。
吞拿魚多士：賣相好有心思，雖然係普通簡單材料ｏ既多士組合，配料生菜蕃茄很新鮮，面頭小小的魚子醬點綴下，生色不少；叫了多士唔好烘得咁“火農”，依然係咁好味，可能係喜歡全麥啦。兩條友吃了少許就要打包拎走喇，外賣盒係一個藍色蓋ｏ既近似微波爐盒，有點意外（以為求求其一個外賣膠兜）。
立下眼，粉筆menu 添了不少色彩喎．．．
熱鬧過後，華dee這份心意令我這個「聖誕結」繫得更加緊，是晚心情更難平復。衷心多謝大家心意，心領。
张贴
